9 de set. de 2015

FRONTE Á “INTUICIÓN DA CONSELLERÍA”, DATOS OBXECTIVOS





A Consellería acaba de rexeitar de novo volver a impartir ESO e Bacharelato nas Mercedes, a pesar de ter en contra unha sentenza do TSXG que avala que a transformación de IES en Centro Integrado de FP fíxose en “ausencia da necesaria motivación”. O deputado do PP Agustín Baamonde, na comisión de educación, defendeu que este instituto é “un centro de referencia de FP a nivel provincial que vén confirmar a boa intuición da Consellería ao anticipar o futuro e convertilo en realidade con esta transformación”.
A Plataforma en defensa do IES AS MERCEDES e FAPACEL, fronte á “intuición da Consellería”, presenta datos obxectivos:
-        Datos públicos da Consellería de Educación (achegamos arquivo) a 3 de setembro, dos ciclos de FP con prazas dispoñibles: a demanda real dos ciclos formativos non xustifica a implantación de centros integrados en detrimento dos de secundaria que, recordemos, imparten ensino de carácter obrigatorio. O ciclo novo Desenvolvemento de proxectos de instalacións térmicas e de fluídos  ten 4 prazas ocupadas, e o de Transporte e loxística é a distancia e non ocupa espazo físico.


-        Inexistencia actualmente dun Plan Galego de FP (o II Plan Galego de FP presentouse no 2008 e tiña vixencia de 4 anos) que analice os obxectivos e as necesidades na Formación Profesional e que estableza a curto prazo as medidas e as actuacións a desenvolver.

-        Inexistencia dun informe de necesidades educativas na cidade de Lugo no que se basease que se podían pechar dous institutos de ensino secundario en dous anos (IES Politécnico en 2011 e IES As Mercedes no 2013) aos que estaban adscritos os colexios de primaria da mesma zona sur. Pediuse por vía xudicial e non apareceu

-        O anuncio de que a Consellería de Educación vai ampliar o CEIP AS MERCEDES no próximo verán para, textualmente, “dar resposta á alta demanda de prazas escolares na zona sur de Lugo”, dános a razón no problema de escolarización nesta zona e que xa se notou este curso, onde por primeira vez o IES Sanxillao tivo que baremar, ao ter máis solicitudes que prazas en 1º de ESO, e os outros dous institutos aos que se derivou o alumnado cando pecharon o IES As Mercedes e o IES Politécnico, como son o IES Lucus Augusti e o IES Ollos Grandes, están masificados. Segundo o informe que presentou FAPACEL na Consellería de Educación o pasado 22 de xullo, relacionando os datos do padrón da cidade coas zonas de adscrición dos colexios, o problema para a escolarización na zona sur seguirá na ESO.

-        Execución actualmente dunha obra de preto de 6 millóns de euros no CIFP As Mercedes cando o proxecto anterior da Consellería era de 4, e cabían ESO, Bac e a mesma oferta de FP que agora se imparte.

Fronte á “intuición da Consellería”, datos obxectivos.
Unha vez que a Xunta recoñece que hai unha “alta demanda de prazas escolares na zona sur de Lugo”, e que ten datos de que en curto/medio prazo o problema vai estar en Secundaria,  esiximos que aproveite o investimento realizado e volva impartir ESO e Bac nas Mercedes, acatando a sentenza do TSXG que anula o decreto de transformación do IES AS Mercedes en Centro Integrado de FP.

Lugo, 8 de setembro de 2015

20 de jul. de 2015

O BNG SÚMASE, NO PARLAMENTO, ÁS PETICIÓNS DA COMUNIDADE EDUCATIVA DAS MERCEDES


Cosme Pombo afirmou que pedirá, a través dunha proposición non de Lei, a demisión dos responsables políticos do decreto de conversión do IES As Mercedes
O BNG xa presentou diversas iniciativas parlamentarias para coñecer as intencións da consellería e reclamar que As Mercedes volva a impartir ESO e Bacherelato
Lugo, 11 de xullo 2015. O parlamentario do BNG, Cosme Pombo, presentou unha serie de iniciativas no
Parlamento Galego tras coñecerse a sentencia do TSXG decretando a nulidade do decreto de transforación do IES As Mercedes nun centro integrado de formación profesional. As iniciativas do BNG foron encamiñadas saber cales son as intencións da Consellería de cara ao futuro deste centro educativo lucense. O BNG comparte a apoia a iniciativa da comunidade educativa deste centro para que Lugo recupere un centro de ensino público necesario para esta zona da cidade.
O BNG pedirá, a través dunha proposicón non de Lei, a asunción de responsabilidades políticas e reclamará a dimisión dos responsabeis do dictado deste decreto que agora foi rexeitado pola xustiza por telo elaborado dun xeito “arbitrario e inxusto”. Para Cosme Pombo “a Consellería debería reparar o dano causado e tomar medidas para que fose posíble impartir ESO e BAC no centro no que se están investindo máis de 5 millóns de euros”.
Cosme Pombo explicou que nesa zona sur da cidade hai unha demanda crecente de prazas de ensino na ESO e BAC e “precisamente eso era o que ofertaba As Mercedes antes de que o PP impuxera o seu criterio para beneficiar aos centros privados da contorna”. Pombo lembrou que a transformación de As Mercedes fíxose por decreto e contra a opinión de toda a comunidade educativa e sinalou que “estes son os efectos das imposicións do PP cando goberna, que toma as decisións, unicamente, para atender os seus intereses partidarios”.
http://bng.gal/lugocentro/2015/07/13/o-bng-sumase-no-parlamento-as-peticions-da-cumunidade-educativa-das-mercedes/ 

13 de jul. de 2015

IES ÁS MERCEDES QUERE: solución ás demandas educativas da zona sur da capital lucense





La plataforma del IES As Mercedes emplaza a "un debate serio" al conselleiro

El colectivo de alumnos, padres y docentes pide a Román Rodríguez que los reciba tras la sentencia del TSXG sobre este centro ahora de FP




Román Rodríguez. AEP
Román Rodríguez. AEP
La Plataforma en Defensa do IES As Mercedes le propuso este viernes al conselleiro de Cultura, Educación e Ordenación Universitaria, Román Rodríguez, que se inicie "un debate serio" sobre las necesidades y las demandas educativas de la zona sur de la capital lucense.
Este colectivo ciudadano, que agrupa a alumnos, padres y docentes, formuló esta propuesta después de que el conselleiro, durante la visita que realizó el pasado miércoles a la ciudad, destacase que le interesaba más un debate educativo que político sobre el centro de As Mercedes.

http://elprogreso.galiciae.com/noticia/415077/la-plataforma-del-ies-mercedes-emplaza-un-debate-serio-al-conselleiro

8 de jul. de 2015

Rolda de prensa: Esta sentenza dános a razón. Imos seguir


IES AS MERCEDES 2013 
 
Lugo, 7 de xullo de 2015: rolda de prensa

Moitas grazas aos medios pola asistencia a esta rolda de prensa que a Plataforma para a defensa do IES AS MERCEDES, que agrupa a profesorado, alumnado e persoal non docente do IES As Mercedes, membros das ANPAs do CEIP As 
Mercedes, CEIP Illa Verde, IES As Mercedes, IES Sanxillao, FAPACEL e asociacións de veciños de Lugo, convoca hoxe para valorar a sentenza que o Tribunal Superior de Xustiza de Galicia acaba de resolver ao noso favor, lexitimando as nosas reivindicacións sobre a supresión do centro educativo de ensino secundario As Mercedes de Lugo. Este foi transformado en Centro Integrado de Formación Profesional por decreto da Consellería de Educación en marzo de 2013, e agora o TSXG anula este decreto e obriga á Administración a pagar os custes do proceso, que ascenden a 1500 euros, e que pagará  toda a cidadanía galega.

Queremos agradecer desde aquí aos que achegaron cartos para financiar o recurso, aos que nos apoiaron publicamente: partidos políticos (agás o PP), sindicatos, asociacións veciñais, organizacións estudiantís, Deputación, Concello de Lugo, claustros doutros centros educativos da provincia, persoeiros do mundo da cultura..., e á cidadanía de Lugo, que amosou o seu apoio a través das máis de 10000 sinaturas recollidas e entregadas na Consellería, aos asistentes á manifestación e demais actos reivindicativos que se convocaron, e a todos os que nos brindaron o seu alento e solidariedade a nivel galego e nacional. Por último, agradecemos a súa inestimable e desinteresada colaboración ao profesor da USC Francisco Candia, así como, por suposto, ao noso avogado Rafael Rossi, que o fixo posible.

Esta sentenza dános a razón que non quixo ver a Consellería de Educación, a delegada da Xunta en Lugo, a xefatura territorial e o grupo parlamentario e municipal do PP nas motivacións alegadas nas nosas reivindicacións:
-        A necesidade do IES AS MERCEDES tras o peche  do IES POLITÉCNICO dous anos antes e que tamén daba servizo á zona de maior poboación escolar e  maior índice demográfico de Lugo, como é a zona sur. Demóstrase co informe sobre poboación que se achegou para o proceso e que está a disposición das autoridades educativas.

-        A inexistencia por parte da Consellería do estudo previo das necesidades educativas da cidade que dicían que realizaran e que se pediu xudicialmente e non foron capaces de presentar
 
-        A demostrada compatibilidade de asumir o aumento da oferta de FP por parte do IES AS MERCEDES, e máis coas reformas que estaban previstas, aprobadas e orzamentadas antes do decreto de conversión. Recordemos que ese orzamento ascendía a 4,4 millóns de euros e contemplaba a reestruturación completa do centro, con espazos para ESO, Bac e FP. O proxecto que agora se está a executar ascende a case 5,8 millóns e só dá cabida a ciclos formativos, sen un incremento significativo da oferta educativa, tal e como recoñece a sentenza.

-----------------------------------------------------------------------------------------------------------

Dicía Saramago que: “As verdades hai que repetilas moitas veces, para que, pobres delas, non caian no esquecemento”.
Desde a plataforma insistimos que non era preciso pechar o instituto no sur da cidade, e se vos acordades o noso lema era: “Isto funciona, non o desintegredes”.
Dous anos despois de todo isto a xustiza (neste caso o TSXG) anula o decreto que iniciou as nosas mobilizacións e truncou a continuidade dun traballo ben feito.
A consecuencia desta decisión política arbitraria, partidaria (co afán de demostrar quen manda), inxustificada e sen fundamento (recoñecida pola propia sentenza) deixou a centos de persoas afectadas (nenos/as, pais/nais, profesores/as, veciños), e a excelente solución que ía achegar o centro integrado resultou ser tan só unha cortina de fume. Afectados e afectadas que nunca volverán a recuperar estes dous anos sen instituto e unha sociedade que vai pagar en conxunto o custe de todo este proceso. LAMENTAMOS que a toma de decisións de pechar este instituto non teña consecuencias directas e que todo se dilúa sen clarexar a verdade.
A sociedade non pode seguir tolerando máis este tipo de situacións, e os responsables políticos deben responder da súa xestión.
Agora a nosa pregunta é quen asume a RESPONSABILIDADE? Quen paga este desastroso proceso? Quen REPARA O DANO CAUSADO?
Desde o noso punto de vista, tendo en conta o que levamos exposto e que se anula un decreto do goberno da XUNTA, temos que pedirlle explicacións, responsabilidades e accións concretas ao presidente Feijoo. E nesta liña imos axudarlle na toma de decisións.
 ------------------------------------------------------------------------------------------------------------
ESIXIMOS:
- A INMEDIATA POSTA EN FUNCIONAMENTO DO IES AS MERCEDES, INCLUÍNDO NAS OBRAS QUE SE ESTÁN EXECUTANDO  ESPAZOS PARA ESO, BAC E FP, COMO SE CONTEMPLABA NO PRIMEIRO PROXECTO
- A POSTA EN MARCHA DUNHA COMISIÓN DE INVESTIGACIÓN PARLAMENTAR
- AS DESCULPAS PÚBLICAS e RECTIFICACIÓN do ex-conselleiro Jesús Vázquez
- A DIMISIÓN DOS SEGUINTES RESPONSABLES POLÍTICOS:
·        Por unha banda Manuel Corredoira (D.X. de Educación, FP e Innovación Educativa) e Eugenia Pérez (Subdirectora xeral de FP) responsables da toma de decisións inxustificadas.
·        E por outra, Raquel Arias (delegada da Xunta en Lugo), quen non fixo nada para evitar e frear o decreto, e na vez de defender os seus veciños e veciñas do sur da cidade de Lugo, puxo o seu esforzo persoal en esmagar o movemento social que se opoñía.
De todo isto son varias cousas das que podemos sacar reflexións positivas:
·        É posible defenderse e gañar ante a maquinaria deste goberno, e especialmente da súa toma de decisións arbitraria (David volve gañar a Goliat). Este proceso será a base de novas loitas. SEGURO.
·        A imposición como modelo político xa NON SERVE. Non estamos nunha ditadura, nin nun estado feudal, nin ante unha sociedade pasiva. PRECÍSASE TRANSPARENCIA, DIÁLOGO, CONSENSO e COHERENCIA.
·        A sociedade está cambiando, organizándose, e esiximos dereitos como o de participar na toma de decisións. FACER POLÍTICA, DEMOCRACIA, NON É SÓ VOTAR CADA CATRO ANOS. Estamos ante novos tempos de como xestionar o BEN COMÚN.
·        A xustiza, aínda estar minguada de medios é quen de ver este novo xiro social e de FACER REALMENTE XUSTIZA.
Finalmente, dicir QUE O ESPÍRITO DO IES AS MERCEDES CONTINÚA A PESAR DO SEU PECHE, E POLO TANTO RECUPERALO É UNHA CUESTIÓN DE XUSTIZA.
SI SE PODE, SI PODEMOS. IES AS MERCEDES XA!!!!!!
ISTO É DE XUSTIZA, RECUPEREMOS O NOSO IES.