O IES AS MERCEDES A PLATAFORMA EN
DEFENSA DO IES AS MERCEDES EMPEZARÁ O CURSO O PRÓXIMO LUNS COLOCANDO UNHA
PANCARTA NO IES AS MERCEDES RECLAMANDO UN INSTITUTO PÚBLICO DE ENSINO MEDIO NA
ZONA SUR DE LUGO
As Mercedes, a 14 de Setembro do 2013
Para os alumnos e país da
Zona Sur de Lugo e do concello do Corgo rematabamos o curso pasado
reivindicando que o crecemento continuado da poboación escolar nesta zona
necesitaba dun Instituto de Ensino Medio e que nesa reivindicación
continuaríamos ata conseguilo. Fronte a estas nosas razóns, a Consellería de
Educación argumentaba que se pechaba para poder incrementar a oferta educativa
na Formación Profesional e que os non había problemas de prazas para os nosos
alumnos de ESO e BAC.
Mais, agora, no inicio do novo curso escolar, podemos comprobar que nin unha
cousa nin outra resultan ser verdade. En efecto, os feitos demostran
-que a escolarización dos nosos fillos nos IES
Lucus Augusti, Ollos Grandes e San Xillao está feita á conta dunha masificación
inaceptable de ata máis de 30 alumnos por aula nas que é imposible que o
profesorado , por moita boa vontade e profesionalidade que lle poda dedicar a
cada alumno a atención que se require para un ensino motivador e de calidade e
á conta de seguir mantendo as subvencións aos centros concertados;
-que a ampliación da FP que a Xunta utilizou como
escusa quedou limitada á duplicación dun ciclo de Transporte a distancia, á
seguir mantendo un ciclo da derrogada Lei Xeral de Educación de Educación xunto
á implantación do ciclo LOE e a implantación dun innovador ciclo superior de Deseño
de proxectos de instalacións térmicas e de fluídos cun só solicitante
en primeira opción e cunha matrícula aínda sen cerrar a dia de hoxe, o cal
demostra que a Consellería nin sequera fixo estudo algún sobre a demanda da FP.
Co inicio deste curso a nosa reivindicación ten, pois, máis razóns e queremos
visualizalas colocando o próximo luns, dia 16, ás 10 da mañá diante do IES AS
MERCEDES deixando colocada unha pancarta no entorno do novo CIFP coa nosa
reivindicación:
EN DEFENSA DO ENSINO PÚBLICO
A ZONA SUR DE LUGO NECESITA DUN INSTITUTO
DE ENSINO MEDIO.
Co cal queremos tamén recordarlle á Consellería de
Educación que ningunha mellora nin ampliación da Formación Profesional pode ser
incompatible coas ensinanzas da ESO e BAC.
