NOTA DE PRENSA DÍA 9 DE
MAIO DE 2013
O IES AS MERCEDES
FUNCIONA,
NON O DESINTEGREDES
A Plataforma cidadá en defensa do IES As Mercedes participou hoxe nas
manifestacións en defensa do ensino público e contra da LOMCE, aproveitando,
unha vez máis, a oportunidade de visualizar a súa reivindicación,
pero tamén destacando, antes de nada, que a supresión do IES As Mercedes (o
segundo Instituto de Ensino Medio que a Consellería pecha en Lugo en menos de
dous anos) non é máis que un adianto, a modo de ensaio, da nova política
educativa elitista e privatizadora que a LOMCE pretende impoñer aos nosos
fillos e fillas.
Así pois, se
importante é manifestar a repulsa firme fronte á LOMCE, non o é menos tratar de
impedir que as políticas educativas da Consellería, de recorte de recursos
humanos e materiais leven ao peche, sen motivación algunha, de centros
educativos como o IES As Mercedes.
Neste compromiso
seguimos. Agardamos, despois de máis dun mes de espera, que o Sr. Conselleiro,
entre as súas moitas ocupacións, teña tempo de explicarlle ao IES As Mercedes
as motivacións que supuxeron o peche.
Nenhum comentário:
Postar um comentário