López Orozco e o concelleiro de Urbanismo, Luis Álvarez, reuníronse hoxe en Santiago co conselleiro de Cultura, Educación e Ordenación Universitaria, Jesús Vázquez, que estivo acompañado de varios altos cargos deste departamento. Na xuntanza abordáronse varios asuntos en materia educativa e cultural de importancia para a cidade.
O alcalde aproveitou o encontro para pedir ao conselleiro que reconsidere a decisión de suprimir os estudos de Secundaria e Bacharelato do IES As Mercedes, tal e como reclama a comunidade educativa deste centro escolar e como se acordou na última sesión plenaria que celebrou a Corporación municipal.
López Orozco insistiu a Jesús Vázquez en que a súa decisión deixa toda a zona sur da cidade de Lugo sen ningún instituto e lamentou que o Conselleiro non se mostrase disposto a reconsiderar a súa posición.
Valoración do Goberno local
Tras o o encontro, o voceiro do Goberno local e concelleiro de Urbanismo, Luis Álvarez, laiouse de que “a postura da Consellería respecto do IES As Mercedes sexa xa decisión aparantemente inamovible pese ao interese que amosamos para que se reconsiderase esa decisión e se escoitase a comunidade educativa”.
Nenhum comentário:
Postar um comentário